వంటింటి వాస్తు - Kitchen Vasthu - వంట గదిలోని వస్తువులను ఈ విధంగా పెడితే లక్ష్మీ కటాక్షం లభిస్తుంది!

వంట గదిలోని వస్తువులను ఈ విధంగా పెడితే లక్ష్మీ కటాక్షం లభిస్తుంది!

ఏ ఇంటి వాస్తు సరిగ్గా ఉంటుందో, ఆ ఇంట్లోని వారికి ఏ కొరతా ఉండదని వాస్తు శాస్త్రం చెబుతుంది. అందులోనూ, ఇంటి మొత్తానికీ ఆరోగ్యాన్నీ, ఐశ్వర్యాన్నీ కలిగించే వంటింటి విషయంలో, ఇంకా జాగ్రత్తలు తీసుకోవాలి. ముఖ్యంగా, వంటగదిలో ఉండే వస్తువుల విషయంలో, వాస్తును తప్పనిసరిగా పాటించాలని శాస్త్ర వచనం. తెలిసీ తెలియక వంట గదిలోని వస్తువులు తప్పుగా పెడితే, ఆ ఇంట్లోని వారు ఎన్నో ఇక్కట్లకు గురికాక తప్పదు. అందువల్ల, వంట గదిలోని వస్తువులు ఏ విధంగా అమర్చుకోవాలనే విషయాన్ని, స్పష్టంగా తెలుసుకుని, అందరూ లాభం పొందండి.

ఇంట్లోని వారికి ఆరోగ్య ప్రదాయినీ, మొదటి చికిత్సాలయంగా, వంట గదిని పేర్కొంటారు. అందువల్ల, ఆ వంట గదిలోని వస్తువులు ఎంత వాస్తు రీత్యా ఉంటే అంత మంచి జరుగుతుంది. ఆ ప్రకారంగా, నేడు ప్రతి ఇంటిలోనూ కనిపించే వస్తువులలో, ఫ్రీడ్జ్ కూడా ఒకటి. ఈ ఫ్రీడ్జ్ లను ఆగ్నేయంలో ఉన్న వంటగదిలో, ఉత్తర వాయువ్యం దిక్కున పెట్టుకోవడం శుభదాయకం.

ఇక మంచి నీళ్ళను ఇచ్చే ఫిల్టర్ ని, వంటి గది ఈశాన్యం దిక్కున గోడకి తగిలిస్తే మంచిది. ఎందుకంటే, ఈశాన్యం జల స్థానం అంటారు. అందుకే, ఆ ప్రదేశంలో ఫిల్టర్ పెట్టాలని, శాస్త్ర వచనం. ఇక వంట గదిలో ముఖ్యంగా ఉండే వస్తువు, పొయ్యి. ఇది ఖచ్చితంగా తూర్పు వైపు ఉన్న ఎత్తైన ప్రదేశంలో పెట్టాలి. అంటే, మనిషి పొయ్యి ముందు నుంచుని ఉన్నప్పుడు, అతడు తూర్పు వైపు చూస్తూ వంట చేసే విధంగా, ఉండాలి. అంతేకాదు, ఇలా పొయ్యిని తూర్పు వైపు పెట్టినప్పుడు, దాన్ని పూర్తిగా గోడకి ఆనించకుండా, కాస్త ఎదుటికి జరిపి పెట్టాలి.

అలాగే, వంటగదిలో ఎక్కువగా ఉండేవి, వివిధ సామాన్లు. ఇవన్నీ కూడా పడమరవైపున అలమరాలను అమర్చుకుని, వాటిలో పెట్టుకోవాలి. ఇక మిక్సీ, గ్రైండర్ వంటి బరువైన వస్తువులను, పడమర, లేదా దక్షిణం వైపు ఉంచాలి. ఇక సాధ్యమైనంత వరకు, వంటగదిలో దేవుడి గది కానీ, దేవుడి బల్ల కానీ లేకుండా చూసుకోవాలి. కొంతమంది ఇళ్ళలో స్థలం లేకపోవడం వల్లనో, సరైన అవగాహన లేకపోవడం వల్లనో, వంట గదిలో దేవుడి మందిరాన్ని ఏర్పాటు చేసుకుంటారు. అలా చేయకూడదని వాస్తు శాస్త్రం చెబుతోంది.

సర్వేజనాః సుఖినోభవంతు!

గడప విషయంలో ఇవి పాటిస్తే, అదృష్టం మీ వెంటే ఉంటుంది! Main Door Gadapa

గడప విషయంలో ఇవి పాటిస్తే, అదృష్టం మీ వెంటే ఉంటుంది!

ఇల్లే సకల సౌఖ్యలనూ, అష్టైశ్వర్యాలనూ, ఆయురారోగ్యాలనూ ప్రసాదించే దివ్యమైన ప్రదేశమని మన పెద్దలు చెబుతుంటారు. అందువల్ల, ఇంట్లో మనం చేసే పనులే, మన జీవితాన్ని నిర్ణయిస్తాయని, శాస్త్ర వచనం. అందులోనూ, ఇంటి నుంచి బయటి శక్తులను దూరంగా ఉంచి, మనల్ని ఎల్ల వేళలా కాపాడే గడపకు ఎంతో ప్రాముఖ్యత ఉంది. మన ధర్మం ప్రకారం, గడపను సాక్ష్యత్తు లక్ష్మీ స్వరూపంగా చూస్తాము. అదువల్ల, ఆ గడప దగ్గర చేయాల్సిన, చేయకూడని పనులు కొన్ని ఉన్నాయనీ, వాటిని తెలుసుకుంటే, ఆ లక్ష్మీ మాత అనుగ్రహం మన వెంటే ఉంటుందనీ, పండితుల మాట.

మన పురాణాలలో, వేదాలలో, శాస్త్రాలలో, గడపకు ఎంతో విశేషమైన స్థానం కల్పించబడింది. అందువల్ల, గడప విషయంలో కొన్ని నియమాలను ఖచ్చితంగా పాటించి తీరాలని కూడా, చెప్పబడి ఉంది. ఆ విధంగా చెప్పిన వాటిలో, గడప దగ్గర పాల ప్యాకెట్లను పెట్టం. మనలో చాలా మంది, పాల ప్యాకెట్లను వేయించుకుంటూ ఉంటాము. ఆ పాల ప్యాకెట్లు డెలివర్ చేసేవారు, వాటిని గడపపై కానీ, గడప ముందు నేలపై కానీ పెట్టి వెళ్లిపోతారు. ఆ విధంగా అస్సలు చేయకూడదు. ఇక్కడ పాలు కూడా లక్ష్మీ సమానం కాబట్టి, వాటిని కింద పెడితే మంచిది కాదు. అలాగే, గడపపై ఎటువంటి బరువూ పెట్టకూడదని, శాస్త్రం చెబుతోంది. అందువల్ల, గుమ్మం పక్కగా గానీ, డోర్ హ్యాండిల్ కి కానీ ఒక కవర్ నీ, లేదా బుట్టను పెట్టి, అందులో వేయించుకోవాలి.

ఇక ప్రతి రోజూ, వచ్చిన పాలలో మొట్ట మొదట ఓ చెంచాడు పాలు పక్కన పెట్టి, ఆ పాలను గడపపై రెండు ములలా, ఒక్కో చుక్క చొప్పున వేసి దణ్ణం పెట్టుకోవడం వల్ల, లక్ష్మీ కటాక్షం లభిస్తుంది. ఇక ఏదైనా పనిమీద బయటకు వెళ్ళేటప్పుడు, గడపకు దణ్ణం పెట్టి, ముందుగా కుడి కాలు బయటపెట్టి వెళ్ళడం ద్వారా, వెళ్ళిన పని ఎటువంటి ఆటంకం లేకుండా జరిగుతుంది. ఇక పండుగలకీ, పబ్బాలకీ, గుమ్మానికి మామిడి తోరణాలు కడుతూ ఉంటాము. అలా కట్టిన తోరణాలను, నెలలతరబడీ వాటికే ఉంచేయకుండా, మూడవ రోజు కానీ, ఐదవ రోజుగానీ, ఇంట్లోని మగవారు తీసి పడవేయలి. లేకపోతే, ఇంట్లోకి లక్ష్మీకి బదులు, అలక్ష్మి వచ్చే ప్రమాదం ఉంది.

దేవుడి పటాల వెనుక బల్లి తిరుగుతుంటే ఏం జరుగుతుంది? Lizard Shastra

 

దేవుడి పటాల వెనుక బల్లి తిరుగుతుంటే ఏం జరుగుతుంది?

భగవంతుడు ఈ భూమిపై తిరిగే ప్రతి జీవికీ ఓ శక్తిని ఇచ్చాడని, శాస్త్రాలు చెబుతున్నాయి. అందుకే మనం ప్రతి జీవినీ గౌరవించాలనీ, ప్రతి జీవికీ మేలు జరిగే పనులు చేయాలనీ, మన ధర్మ శాస్త్రాలు చెబుతున్నాయి. అయితే, మన చుట్టూ ఉండే జీవులలో కొన్ని మాత్రం కాస్త ప్రత్యేకమైనవిగా పండితులు చెబుతున్నారు. అటువంటి జీవులలో, బల్లి ఒకటి. మన ఇళ్ళలో ఎక్కువగా కనిపించే ఈ బల్లుల విషయంలో, మనకు ఎన్నో భయాలూ, అనుమానాలూ ఉంటాయి. అటువంటి అనుమానాలలో, ఇంట్లో ఉన్న దేవుడి మందిరంలోకీ, దేవుడి పటాల మధ్యకీ బల్లులు రావచ్చా? అనేది ఒకటి. ఒకవేళ దేవుడి పటాల మధ్యలోకి బల్లులు వస్తే, మంచి జరుగుతుందా? చెడు జరుగుతుందా? అని ఎంతో మంది సందేహపడుతుంటారు. ఆ విషయాలు స్పష్టంగా తెలుసుకోడానికి, ఈ శీర్షికను పూర్తిగా చదవండి.

మన హైందవ ధర్మం ప్రకారం, బల్లికి కొన్ని శక్తులు ఉన్నాయనీ, దాని ప్రకారం అవి మనిషి జీవితంలో జరగబోయే విషయాలను ముందుగానే తెలియచేస్తాయనీ, ఎంతో స్పష్టంగా చెప్పబడి ఉంది. అందుకోసం మన ధర్మంలో, ఈ సృష్టిలో మరే ప్రాణికీ లేని విధంగా, ఏకంగా బల్లి శాస్త్రం అని ఓ శాస్త్రమే ఉంది.

అటువంటి బల్లిని మనం చూడగానే, భయంతో వాటిని ఇంటి నుంచి దూరంగా తరిమేయడానికి ప్రయత్నిస్తాం. ఈ క్రమంలో, ఒక్కోసారి వాటి ప్రాణాలు కూడా తీసేస్తాం. ఆ విధంగా అస్సలు చేయకూడదని, పెద్దలు చెబుతున్నారు. బల్లులు ఇంట్లో ఎక్కువగా ఉంటే చూడటానికి బాగోదు కాబట్టి, వాటిని దూరంగా ఉంచడానికి తగు చిట్కాలు పాటించ వచ్చు కానీ, వాటిని చంపితే అష్ట కష్టాలూ పడతారని, పండితులు చెబుతున్నారు.

ఇక ఆ బల్లులు దేవుడి పటాల మధ్యలోకి వచ్చాయి అంటే, అవి మీ ఇంటిలోకి Negative Energy రాబోతుందని చెబుతున్నాయని అర్ధం చేసుకోవాలని పండితుల మాట. ఏ ఇంట్లో అయితే పూజలు సరిగ్గా జరగవో, ఆ ఇంట్లోని దేవుడి గదిలోకీ, పటాల మధ్యలోకీ బల్లులు వచ్చే అవకాశం చాలా ఎక్కువ. అలా వచ్చాయంటే, ఆ ఇంట్లో దైవ ప్రార్ధన లేనందు వల్ల, Negative energy రాబోతోందని అవి సూచిస్తున్నాయనీ, బల్లులు దేవుడి పటాల వెనుకకు రావడంతో, జరగబోయే విషయం తెలుస్తుంది కనుక, అది మనకు మంచే అనీ పండితులు చెబుతున్నారు.

కాకులు ఇంటిపై తిరిగినా ఈ విధంగా అరిచినా ఏం జరుగుతుందో మీకు తెలుసా? Significance of Crows

 

కాకులు ఇంటిపై తిరిగినా, ఈ విధంగా అరిచినా ఏం జరుగుతుందో మీకు తెలుసా?..

ఈ సృష్టిలో ఉన్న కొన్ని జీవులకు, మన భవిష్యత్తును చెప్పే శక్తి ఉందని మన శాస్త్రాలు చెబుతున్నాయి. అయితే, అది మూఢ నమ్మకం అని కొంతమంది హేతువాదులు కొట్టి పారేస్తారు. కానీ ఆ జీవులు ఇచ్చే సూచనలు నిజంగా జరిగినట్లు ఎన్నో ఆధారాలున్నాయని పెద్దలు చెబుతారు. అటువంటి శక్తివంతమైన జీవులలో, కాకులు కూడా ఒకటనీ, జగరబోయే మంచినీ, చెడునూ ముందే చెప్పే శక్తి ఉన్న కాకులు, మన ఇంట్లో ఆ దిక్కున చేరి అరిస్తే జరిగే అనర్ధం, వెన్నులో వణుకు పుట్టిస్తుందనీ, ఆ సంకేతాన్ని గుర్తించి మనం తగు జాగ్రత్తలు తీసుకోకపోతే జరిగే నష్టం మాటల్లో చెప్పలేమనీ పండితులు చెబుతున్నారు. కాకి ఏ దిక్కున కూర్చుని అస్సలు అరవకూడదు? అలా అరిస్తే ఏం జరుగుతుంది? వంటి సందేహాలకు సమాధానాలు ఇప్పుడు తెలుసుకుందాము.

ఈ ప్రకృతిలోని జీవులలో కాకి ఓ శక్తివంతమైన జీవి అని పెద్దలు చెబుతున్నారు. అంతేకాదు, అది శని భగవానుడి వాహనం అనీ, అవి యమ దూతల ప్రతిరూపాలని కూడా చెబుతుంటారు. అందుకే వాటిని చూడగానే మనలో చాలా మందికి ఓ రకమైన భీతి కలుగుతుంది. అంతేకాదు, అవి మన ఇంటి గోడమీద చేరి పదే పదే అరుస్తూ ఉంటే, కాస్త భయం కూడా వేస్తుంది. అందుకే కాకులు ఇచ్చే సూచనలను గుర్తించడానికి శాస్త్రం కూడా మన పూర్వీకులు ఏనాడో రాసి ఉంచారు.

ఆ శాస్త్రం ప్రకారం కాకులు మనకు జరిగబోయే మంచి చెడులను ముందుగానే తెలియ చేస్తాయి. కాకి మన ఇంట్లోని వాయవ్యం మూలకు వచ్చి పదే పదే అరుస్తుందంటే, ఆ రోజు లేదా ఆ మర్నాడు, మన ఇంటికి దూరపు చుట్టాలు ఎవరో రాబోతున్నారనీ, అందువల్ల ఇంట్లో ఖర్చులు పేరగబోతున్నాయనీ చెబుతోందని శాస్త్ర వచనం.

అయితే, కాకి ఆగ్నేయం మూల నుంచి అరిచిందంటే, ఆ ఇంట ఓ ప్రాణం పోయే అవకాశం ఉందనీ, అంతేకాక, మూడు కాకులు పదే పదే పెద్దగా అరుస్తూ, ఆ ఇంటిపై కొన్ని రోజుల పాటు వలయాకారంలో ఎగురుతూ ఉన్నాయంటే, ఆ ఇంట కనీసం రెండు మూడు శవాలు లేస్తాయనే విషయాన్ని మనకు ముందుగానే అవి తెలియచేస్తున్నట్లని, శాస్త్రం చెబుతోంది. అందువల్ల, ఎప్పుడైనా కాకులు ఈ విధంగా అరిచాయి అంటే, వెంటనే దగ్గరలో ఉన్న వేద పండితుల దగ్గరకు వెళ్ళి విషయం చెబితే, వారు తగిన పరిహారాలు చేయించి, రాబోయే గండం నుంచి గట్టెక్కిస్తారని, పండితులు చెబుతున్నారు. అందుకే కాకి అరుపులను ఎప్పుడూ నిర్లక్ష్యం చేయకూడదని ఆర్యోక్తి.