గరుడపురాణం ప్రకారం ‘జననం’! Life Secrets in Garuda Purana!

గరుడపురాణం ప్రకారం ‘జననం’!
ప్రాణి పుట్టుక - శరీరంలోని విస్తుపోయే విశేషాలు! గరుడ పురాణం 32వ అధ్యాయం..
Life Secrets in Garuda Purana!

ఈ అనంతమైన సృష్టిలో అత్యంత అద్భుతమైన, మరియు నిగూఢమైన రహస్యం ఏంటో మీకు తెలుసా? అదే 'జననం'... అనగా ఒక ప్రాణి పుట్టుక!

ఒక జీవి తల్లి గర్భంలోకి ఎలా ప్రవేశిస్తుంది? కేవలం ఒక చిన్న నీటి బిందువు లాంటి ఆకారం నుండి... చేతులు, కాళ్ళు, అద్భుతమైన ఆలోచనా శక్తి గల మెదడుతో కూడిన ఒక సంపూర్ణ మానవ శరీరంగా ఎలా మారుతుంది? ఈరోజు ఆధునిక వైద్యశాస్త్రం (Medical Science) అల్ట్రాసౌండ్ స్కానింగ్ ల ద్వారా, ఎంబ్రియోలజీ (Embryology) ద్వారా చెబుతున్న విషయాలను, లక్షల సంవత్సరాల క్రితమే మన భారతీయ సనాతన ధర్మంలో ఎంతో శాస్త్రీయంగా వివరించారు.

ఈరోజు మనం 'గరుడ పురాణం'లోని ముప్పై రెండవ (32వ) అధ్యాయంలో, సాక్షాత్తూ ఆ శ్రీ మహావిష్ణువు గరుత్మంతునికి బోధించిన 'ప్రాణి పుట్టుక - శరీరంలోని విశేషాలు' అనే అద్భుతమైన ఘట్టాన్ని తెలుసుకుందాం. అంతేకాదు, దీన్ని భగవద్గీతలోని శ్లోకాలతో మరియు నేటి మన ఆధునిక జీవనశైలితో పోల్చి విశ్లేషిద్దాం. వీడియోని ఎక్కడా స్కిప్ చేయకుండా చివరి వరకు చూడండి. అప్పుడే మన ప్రాచీన గ్రంథాలలోని సైన్స్ మీకు పూర్తిగా అర్థమవుతుంది!

వీడియోను చివరిదాకా చూసి మీ అభిప్రాయాలను కామెంట్స్ ద్వారా తెలియజేస్తారని ఆశిస్తున్నాను..

[ ఈ వ్యాసాన్ని వీడియోగా చూడండి: https://youtu.be/w2g_ZzpQnpM ]

గరుడ పురాణం అనగానే చాలామంది, మరణం తర్వాత చదివే గ్రంథం అని మాత్రమే అనుకుంటారు. కానీ అది నిజం కాదు! మనిషి పుట్టుక నుంచి, గర్భంలో పిండం పెరిగే విధానం, శరీర నిర్మాణం, మరియు కర్మ సిద్ధాంతాలను ఈ గ్రంథం అత్యంత వివరంగా చర్చిస్తుంది.

జీవి గర్భంలోకి ఎలా ప్రవేశిస్తుంది? ఇది కర్మ ఫల సిద్ధాంతం: 32వ అధ్యాయంలో శ్రీ మహావిష్ణువు వివరిస్తూ... ఒక ప్రాణి తన పూర్వ జన్మ కర్మలను బట్టి (అది పాపమైనా, పుణ్యమైనా) తదుపరి జన్మను పొందుతుంది. పురుషుని శుక్రం, స్త్రీ శోణితం (అండం) కలిసినప్పుడు, ఆ జీవాత్మ తన కర్మ వాసనలను మోసుకుంటూ తల్లి గర్భంలోకి ప్రవేశిస్తుంది.

దీనినే భగవద్గీతలో శ్రీకృష్ణ పరమాత్మ ఎంతో అద్భుతంగా చెప్పాడు:

“శరీరం యదవాప్నోతి యచ్చాప్యుత్క్రామతీశ్వరః |

 గృహీత్వైతాని సంయాతి వాయుర్గంధానివాశయాత్ ||”

అంటే, గాలి ఏవిధంగానైతే పూల గుత్తి నుంచి సువాసనను తనతో పాటు మోసుకువెళుతుందో, అలాగే జీవాత్మ ఒక శరీరాన్ని వదిలి, మరో కొత్త శరీరంలోకి వెళ్ళేటప్పుడు తన పాత జన్మ తాలూకు మనస్సును, ఇంద్రియ వాసనలను తనతో పాటే తీసుకువెళుతుంది. మన భారతీయ జీవనశైలిలో 'కర్మ సిద్ధాంతం' ఎంత బలమైనదో దీనిద్వారా మనకు అర్థమవుతుంది!

మాసానుమాసం గర్భంలో శిశువు ఎదుగుదల: గరుడ పురాణం 32వ అధ్యాయం ప్రకారం, గర్భంలో బిడ్డ అభివృద్ధి నెలలవారీగా ఎలా జరుగుతుందో విష్ణుమూర్తి ఇలా వివరించారు:

• మొదటి నెల: శుక్ర, శోణితాల కలయిక వల్ల ఒక చిన్న కలలం అంటే, నీటి బుడగ లాంటిది ఏర్పడుతుంది.

• రెండవ నెల: ఆ కలలం కాస్తా గట్టిపడి ఒక మాంసపు ముద్దగా, అంటే పిండంగా మారుతుంది.

• మూడవ నెల: ఆ పిండానికి మెల్లగా తల, మొండెము, కాళ్ళు, చేతులు ఏర్పడతాయి.

• నాల్గవ నెల: శిశువుకు చర్మం, ఎముకలు, నాడులు, వెంట్రుకలు పుట్టుకొస్తాయి.

• ఐదవ నెల: శిశువుకు ఆకలి, దప్పిక మొదలవుతాయి.

• ఆరవ నెల: శిశువుకు మావి (Placenta) ద్వారా తల్లి తీసుకునే ఆహారం అందుతుంది. పిండం కదలడం ప్రారంభిస్తుంది. తల్లి గర్భాశయం కుడివైపున మగ పిల్లాడు, ఎడమవైపున ఆడపిల్ల, మధ్యలో నపుంసక శిశువు పెరుగుతారని పురాణాలు చెబుతున్నాయి.

• ఏడవ నెల: ఇది అత్యంత కీలకమైన సమయం. శిశువుకు పూర్తిగా జ్ఞానం వస్తుంది. తాను ఎక్కడ ఉన్నానో, తన పూర్వ జన్మలేమిటో గుర్తుకొస్తాయి. ఆ గర్భ నరకంలో, అంటే చీకటి, ఇరుకు ప్రదేశంలో, మలమూత్రాల మధ్య పడుతున్న బాధను భరించలేక, భగవంతుడిని ఇలా వేడుకుంటాడు. "స్వామీ! నన్ను ఈ గర్భ నరకం నుండి బయట పడవేయండి. బయటకు వెళ్ళాక నా జీవితాన్ని సన్మార్గంలో గడుపుతాను, సదా మిమ్మల్నే స్మరిస్తాను" అని ప్రార్థిస్తాడు.

• ఎనిమిది, తొమ్మిదవ నెలలలో: బిడ్డ పూర్తిగా అభివృద్ధి చెంది బయటకు రావడానికి సిద్ధమవుతుంది. ఇక పదవ నెలలో ప్రసవ వేదనతో భూమిపైకి వస్తుంది.

గరుడ పురాణంలో శిశువు గర్భంలో పడే ఈ ఆవేదనను చూస్తుంటే, మనకు జగద్గురు ఆదిశంకరాచార్యుల వారు తన 'భజగోవిందం'లో చెప్పిన ఒక అద్భుతమైన శ్లోకం గుర్తుకు వస్తుంది. అదే:

“పునరపి జననం పునరపి మరణం, పునరపి జననీ జఠరే శయనం |

ఇహ సంసారే బహుదుస్తారే, కృపయా పారే పాహి మురారే ||”

గరుడ పురాణంలో మనం చర్చించుకున్న 'ప్రాణి పుట్టుక' వెనుక ఉన్న పరమార్థం ఇదే! ఈ శ్లోకంలో ‘జననీ జఠరే శయనం’ అంటే మళ్ళీ మళ్ళీ తల్లి గర్భం అనే ఆ ఇరుకైన, చీకటి ప్రదేశంలో బందీ కావడమే. గరుడ పురాణం 32వ అధ్యాయంలో వివరించిన విధంగా, శిశువు గర్భంలో పడే నరక యాతననూ, తన పూర్వ జన్మల కర్మలను తలుచుకుంటూ పడే ఆవేదననూ, శంకరాచార్యుల వారు ఈ ఒక్క వాక్యంలో నిక్షిప్తం చేశారు.

మానవ జీవితం అనేది ఒక అంతులేని జనన మరణ చక్రం. ఈ 'సంసార బంధం' నుండి విముక్తి పొందడం సామాన్య మానవ ప్రయత్నం వల్ల సాధ్యం కాదు. అందుకే శంకరులు దీనిని 'బహుదుస్తారే' అన్నారు - అంటే దాటడానికి అత్యంత కష్టమైన సముద్రం లాంటిదని అర్థం. ఈ దుస్తర సంసారాన్ని దాటి రక్షణ పొందడానికి ఏకైక మార్గం ఆ 'మురారి' అంటే ఆ భగవంతుని కృప మాత్రమే! గరుడ పురాణంలో గర్భస్థ శిశువు చేసే ఆర్తనాదం, శంకరాచార్యుల భజగోవింద సందేశం, రెండూ మనకు ఒకటే గుర్తు చేస్తున్నాయి – అది, 'భగవంతుని శరణాగతి'. ఈ అంతులేని చక్రం నుండి విముక్తి పొంది, మోక్షాన్ని సాధించడమే మానవ జన్మ అసలు ఉద్దేశ్యం.

భూమిపై పడగానే మాయ అంటే మాయాదేవి కప్పేయడం వల్ల, ఆ జీవి గర్భంలో భగవంతుడికి ఇచ్చిన మాటను మర్చిపోయి, ఈ ప్రాపంచిక బంధాలలో చిక్కుకుపోతాడు. ఈ నాటి అల్ట్రాసౌండ్ రిపోర్ట్స్ చెబుతున్న విషయాన్ని, లక్షల ఏళ్ల క్రితమే మన సనాతన ధర్మం ఎంత ఖచ్చితంగా చెప్పిందో చూడండి!

ఇక శరీర నిర్మాణంలోని అద్భుతాల (Anatomy of the Human Body) విషయానికి వస్తే... మానవ శరీరం, భూమి, జలం, అగ్ని, వాయువు, ఆకాశం అనబడే పంచ భూతాలతో ఎలా నిర్మితమైందో గరుడ పురాణం వివరించింది. మన ఎముకలు, కండరాలు, చర్మం, భూమి తత్వంతో... రక్తం, లాలాజలం నీటి తత్వంతో... ఆకలి, నిద్ర, దాహం అగ్ని తత్వంతో... కదలికలు వాయు తత్వంతో... మరియు మనస్సులోని శబ్దాలు ఆకాశ తత్వంతో ముడిపడి ఉన్నాయని మన ప్రాచీన రుషులు చెప్పారు.

శరీరంలో మూడున్నర కోట్ల రోమాలు, 32 దంతాలు, 20 గోళ్ళు, మరియు అత్యంత ప్రధానంగా, 72 వేల నాడులు (Nadis) ఉన్నాయనీ, వాటిలో ఇడ, పింగళ, సుషుమ్న అనేవి ఆధ్యాత్మిక ఎదుగుదలకూ, చక్రాల జాగృతికీ ఎంతో కీలకమనీ, ఈ అధ్యాయం పేర్కొంది.

నేటి జీవనశైలితో పోలిక - Present Lifestyle: మిత్రులారా... ఒకసారి ఆలోచించండి. మనకు ఇంత అద్భుతమైన యంత్రం లాంటి శరీరాన్ని భగవంతుడు ఎందుకు ఇచ్చాడు? భగవద్గీతలో ఒక మాట ఉంది - "క్షేత్రజ్ఞం చాపి మాం విద్ధి సర్వక్షేత్రేషు భారత". ఈ శరీరం ఒక క్షేత్రం (పొలం), అందులో ఉన్న ఆత్మ, క్షేత్రజ్ఞుడు.

కానీ నేటి ఆధునిక జీవనశైలిలో (Modern Lifestyle) మనం ఏం చేస్తున్నాం? రాత్రిళ్లు నిద్రపోకుండా టి.వి., మొబైల్స్ చూస్తూ గడపటం... పొద్దున్నే లేచి యోగా, ధ్యానం బదులు పరుగులు తీయడం... ప్రాచీన పద్ధతులైన జొన్నలు, రాగులు వదిలేసి, కెమికల్స్ తో నిండిన జంక్ ఫుడ్, ఫాస్ట్ ఫుడ్స్ లాంటివి తినడం ద్వారా, భగవంతుడు ఇచ్చిన ఈ దివ్యమైన శరీరాన్ని మనం చేజేతులారా నాశనం చేసుకుంటున్నాం. ఆయుర్వేదం ఏం చెబుతోంది? "శరీరమాద్యం ఖలు ధర్మసాధనం" అంటే, ఏ ధర్మాన్ని ఆచరించాలన్నా ముందు మన దేహం ఆరోగ్యంగా ఉండాలి! కానీ మనం ఈ శరీరాన్ని ఒక చెత్తబుట్టలా వాడుతున్నాము.

లక్షల సంవత్సరాల క్రితమే గరుడ పురాణం, సుశ్రుత సంహిత లాంటి గ్రంథాలు, మనం ఎలా తినాలో, ఎలా పడుకోవాలో, ఎలా జీవించాలో, ఎంతో శాస్త్రీయంగా (scientifically) వివరించాయి. పాశ్చాత్యులు నేడు ఇంటర్మిటెంట్ ఫాస్టింగ్ (Intermittent Fasting) అని పేరు పెడితే, మనం ఆశ్చర్యపోతున్నాము. కానీ మన ఏకాదశి ఉపవాసాల వెనుక ఉన్న సైన్స్ అదే!

ప్రాణి పుట్టుక, శరీర నిర్మాణంలోని ఈ రహస్యాలు తెలుసుకుంటే... మన ప్రాచీన ఋషులు కేవలం తపస్సు మాత్రమే చేయలేదనీ, వారు గొప్ప సైంటిస్టులనీ అర్ధమై, మనకు గర్వంగా అనిపిస్తుంది. ఇటువంటి అద్భుతమైన హిందూ గ్రంథాల వెనుక ఉన్న శాస్త్రీయ కోణాలనూ, సనాతన ధర్మ రహస్యాలనూ మరింత లోతుగా తెలుసుకోవడానికి డిస్క్రిప్షన్ లో మరియు కామెంట్స్ లో ఇచ్చిన 'సనాతన ధర్మం' (Sanatana Dharma) లింక్స్ ను తప్పక సందర్శించండి.

ఈ వీడియో మీకు నచ్చితే కచ్చితంగా లైక్ చేయండి. మన యువతకు, భవిష్యత్ తరాలకు సనాతన ధర్మం గొప్పదనం తెలియాలంటే, ఈ వీడియోను వీలైనంత మందికి మీ వాట్సాప్, ఫేస్బుక్ గ్రూపులలో షేర్ చేయండి.

ఇలాంటి మరిన్ని ఆసక్తికరమైన ఆధ్యాత్మిక, శాస్త్రీయ విషయాల కోసం మన ఛానల్ ను సబ్స్క్రైబ్ చేసుకోవడం మర్చిపోకండి. మీరు ఈ గరుడ పురాణ సైన్స్ గురించి ఏమనుకుంటున్నారో కింద కామెంట్స్ లో వ్రాయండి. అలాగే దైవ కృప కోసం 'ఓం నమో నారాయణాయ' అని కామెంట్ చేయండి.

మరో అద్భుతమైన వీడియోతో మీ ముందుకు వస్తాను. అంతవరకు సెలవు. సర్వేజనాః సుఖినో భవంతు!

జై శ్రీకృష్ణ!